Samhliða forsetakosningum þann 27. júní greiða íbúar Borgarfjarðarhrepps, Djúpavogshrepps, Fljótsdalshéraðs og Seyðisfjarðarkaupstaðar atkvæði um sex tillögur að heiti á nýtt sveitarfélag. Þeir sem eiga ekki heimangengt á kjördag geta tekið þátt í valinu með því að greiða atkvæði á skrifstofum sveitarfélaganna á hefðbundnum opnunartíma. Atkvæðagreiðslan hefst föstudaginn 19. júní og lýkur föstudaginn 26. júní.

Hér má finna upplýsingar um könnunina og heitin.

Kosningaaldur í könnun um heiti sveitarfélagsins miðast við 16 ára aldur og geta erlendir ríkisborgarar sem hafa kosningarétt í sveitarstjórnarkosningum líka tekið þátt. Kjósendur eru minntir á að hafa með sér skilríki með nafni, kennitölu og mynd til að gera grein fyrir sér.

Boðið er boðið á raðval, þannig að kjósandi getur valið fyrsta og annan valkost.  Þegar kosið er utan kjörfundar þarf að rita nöfnin sem valin eru á kjörseðilinn og merkja fyrsta valkost með tölustafnum 1 og annan valkost með tölustafnum 2.

Niðurstöður eru ekki bindandi og mun ný sveitarstjórn taka ákvörðun um nýtt heiti þegar hún kemur til starfa í október.

Translate »
WordPress Video Lightbox